香港社會服務聯會「我們的六分一：青年精神健康」研討會

好開心可以參加由香港社會服務聯會 @hkcss_1947 舉辦嘅「我們的六分一：青年精神健康」研討會。😆 多謝社聯一直以嚟咁重視年青人嘅睇法，願意邀請我哋年青人作為代表上台演講同埋進行聚焦討論，等社會各界可以聽到年青人真實嘅經驗同心聲，給予我哋一個平台去表達我哋嘅想法同需求。🗣🙏

多謝陳友凱教授嘅分享，原來喺香港，每6位年青人就有1位受到精神疾病嘅困擾，而佢可能就係你同我嘅身邊。🤯 當中，有5分1嘅年青人喺過去1年曾經有自殺念頭，情況係好嚴重，非常值得社會大眾每一個人嘅關注同努力去解決。💔🙏

喺2日嘅研討會入面，我哋聽咗好多好有啟發性嘅分享。無論係說書人李昭明博士分享陪伴同說故事嘅力量📚💪，定係香港小童群益會楊穎笙女士同廖康年先生分享運用敘事實踐回應學生精神健康需要嘅例子🙌💡，無論係救世軍徐綺婷女士分享一人一故事嘅劇場療癒力量🎭💚，定係網上現場觀眾嘅提問❓🧐，都好有啟發性同值得我哋好好欣賞同學習📖。

原來我哋並不孤單🫂，雖然係精神健康嘅道路上可能會遇到好多挫折，但係社區上原來有好多機構組織都一直默默耕耘，為我哋年青人付出同努力，同我哋一齊同行🤝❤️。係精神健康嘅道路上原來我哋並唔係孤身作戰🌟💪。

我哋好榮幸可以喺研討會上，同大家分享一份由年青人共創嘅指南《Emo治❤‍🩹：你的抑鬱症求助指南—家庭醫生篇》。📚 指南著重介紹家庭醫生嘅角色，涵蓋見醫生期間嘅程序、事前準備同診後回顧，希望減少大家喺求助時會有嘅顧慮同不安，及早尋求專業協助。🤝💪

我哋易分享咗以QR Code Cards（二維碼卡片）嘅推廣方式，掃個二維碼就會連結到指南嘅網上版本。📲🔗 歡迎各機構組織聯絡我哋去拎QR Code卡片，令更多人知道呢份資源，分享俾有需要嘅人。🤝📩🗣

同時，我哋都歡迎各機構組織、大中小學搵我哋一齊合作，一同為青年精神健康努力，喚起更多人關注。🤝🌟 無論係社交媒體嘅活動，定係實體嘅攤位，我哋都無任歡迎。📣 作為一個由年青人組成嘅組織，我哋致力喺年青人嘅角度思考出發，推廣精神健康。🧠💚 我哋希望可以以生命影響生命，同青年朋輩一齊喺精神健康嘅路上同行。🚶‍♀🚶‍♂

聯絡我哋可以直接Instagram Direct Message，或者Email: contact@hkymha.com。📩💬

最後最後，好多謝支持我哋嘅各位🥺，無論係現場或者網上嘅觀眾，你哋嘅支持我哋收到啦🤗🙌，往後會繼續同一眾年青人共同努力。💪🌟 #youthfirm