【10月份攤位活動】

🎐第一站：【HKU Student Wellness Fair】

我哋喺10月10日世界心理健康日參加咗HKU嘅 Student Wellness Fair🥳!
多謝 @wellness.hku 嘅邀請🫶，比我哋有機會喺一個student-led嘅Mental Health Function去向大家宣傳我哋嘅概念—青年共創，以及我哋最近嘅project—《Emo治·我的抑鬱症求助指南》。🥳我哋透過有趣嘅橡筋槍遊戲，邀請大家諗下青少年受情緒困擾嘅時候對求助有啲咩顧慮。🫂大家都玩得好投入，有好多有深度嘅見解，亦都對青少年求助行為偏低嘅情況多咗了解！👍

當日活動非常豐富，有學生表演、藝術工作坊、身心靈市集、嘉賓分享等等。🤩相信大家不論係知識、見解上，定係禮物、作品上都滿載而歸！😆

🎐第二站：【荃葵青區中學精神健康月活動】

我哋再接再厲，10月28日出席荃葵青區中學精神健康月活動，喺獅子會中學擺攤位，接觸到唔少家長🥳😆！

感謝荃灣葵涌及青衣區中學校長會嘅邀請🫶，比我哋有機會喺羅乃萱女士《如何教養出一個精神健康的孩子》嘅講座後向各位家長分享我哋青年共創嘅理念，以及《Emo治·我的抑鬱症求助指南》🧑🏻‍⚕️。我哋透過唔同情景題，比家長了解多啲受情緒困擾嘅青少年面對家長時嘅心聲👨‍👩‍👧‍👦，同時更加了解家長對於青少年精神健康嘅關注點👀。

當日除咗有羅女士好insightful嘅講座之外，周邊活動都非常豐富，有小巴牌製作workshop🚌、潤唇膏工作坊💄同乾花製作🥀等等，令一眾家長都可以放鬆下，照顧自己情緒🌻。

好感謝各位家長同我哋分享咗咁多睇法💭～喺青少年嘅精神健康裏面，家長都係一個好重要嘅角色，佢哋嘅支持、理解對青少年求助嘅意願有好大提升㗎。

最後，感謝呢兩日一眾義工嘅幫忙，我哋嘅booth先可以運作得咁順利🥳亦都感謝每一位朋友嘅參與，同你哋嘅交流亦都讓我地好大得著🙆🏻‍♀️。