【1月份活動回顧】

📍[20/1 | 第三屆SOS學界精神健康資助計劃評審日]

感謝 @thewellnessjourney.hk 嘅邀請💙我哋嘅代表有幸擔任評審日嘅評審🙌🏻 評審日當天聽到唔同中學生就住自己學校提出精神健康活動議案🤩 真係好impressed by同學仔嘅熱誠同埋創意🔥 好欣賞同學仔願意為自己＆身邊朋友嘅精神健康去努力同付出。❤️

當日除左見到同學仔嘅努力，亦都好感受到老師、社工 & 主辦方對青年人嘅信任。非常感謝你哋願意相信我哋青年人有呢個能力去為自己嘅精神健康、去為青少年嘅精神健康出一分力～🙌🙆‍♀️

📍[25/1 | 精神健康體驗館 Mind Space參觀]

我哋喺1月25號嚟到位於青山醫院嘅精神健康體驗館Mind Space參觀🤩，幾個展區嘅內容非常豐富，介紹多年嚟香港精神科服務同治療方法嘅發展演變🏥，仲有症狀體驗室，俾參觀者可以切身體會復元人士嘅感受，最後更設有分享環節，即時同復元人士交流💬 我哋就住點樣同精神病患者相處進行深入交流，相信大家都獲益匪淺🙌🏻！如果你都有興趣參觀MindSpace，就like & comment話我哋知，幫大家團體報名一齊去啦🥳！

📍[30~31/1 | 聖公會曾肇添中學 Day of CareinMind]

感謝聖公會曾肇添中學嘅邀請🫶🏻，俾我哋嚟到校園內向諸位師弟師妹宣揚精神健康嘅重要性。透過一齊製作熱縮膠鎖匙扣，希望能夠俾大家從繁忙學業中短暫抽離，紓緩一下壓力，現場反應熱烈，即場開多幾張枱比大家玩添！🥳同時我哋亦喺攤位內特別介紹Burnout嘅因素😵‍💫，提醒大家多啲留意自己嘅壓力指數同精神狀態，同埋介紹各種叉電方法，例如唱下K、行下山，好忙好多嘢做都要記得照顧好自己呀！